<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11119857\x26blogName\x3dfagnlaus+gr%C3%B3%C3%B0leikur\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://0609.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://0609.blogspot.com/\x26vt\x3d-1120318944006701187', where: document.getElementById("navbar-iframe-container"), id: "navbar-iframe" }); } }); </script>
Fyrri gróðleikur

Gróðleikssafnið

Hlekkir
fagnlaus gróðleikur
...sáldrandr'í brjáli!
sunnudagur, júlí 24, 2005

Dagur Písins


Já, þið lásuð rétt. Til eru 2 dagar tileinkaðir píinu (e. Pi) sem er stærðfræðilegur fasti, ef svo mætti að orði komast. Þessir tveir dagar eru kallaðir "Pí dagurinn" og "Nálgurnardagur písins", eins og ég kýs að útleggja heitin á íslensku.

Pí dagurinn:
Dagsetning dagsins er 14 mars, eða 14/3, en á ensku skrifast þetta sem 3.14 og er jafngildi pís með tveimur aukastöfum. Ennfremur er fögnuðurinn í hámarki er klukkuna vantar eina mínútu í 2 eftir hádegi (1:59) en ef við leggjum tölurnar aftan við ensku útfærsluna á dagsetningunni fáum við pí með 5 aukastöfum, 3,14159. Hins vegar hefur sumt tuttuguogfjögurraklukkustundaklukkufólk þá hugmynd að þegar klukkan er 1:59 eftir hádegi, þá sé hún í raun 13:59 og hafa því heldur kosið sér tímasetninguna 1:59 eftir miðnætti, eða jafnvel (séu menn ekki að velta núllinu of mikið fyrir sér eða rithætti á tímanum) klukkan 9 mín. yfir þrjú eftir hádegi, eða 15:(0)9. Ekki hefur komið til átaka milli þessarra hópa mér að vitandi.
Týpískt er að fólk komi saman til þess að halda upp á þennan dag fyrir tilstuðlan Pí-klúbba. Þar segir fólk sögur af sér og hvernig pí tók þátt í að móta líf þeirra gegnum árin. Svo eru umræður um hvernig heimurinn hefði verið hefði pí ekki verið til staðar og þar fram eftir götunum.
Svo borðar fólk oft bökur (en Baka á ensku útleggst Pie), drekkur Pina Colada eða horfir á hina feiknarlega merkilegu mynd "Pí".
Svo má nefna að Albert Einstein átti afmæli á þessum merka degi. Skemmtilegt nokk...
"Öltimeit" pí dagurinn varð hinsvegar 14. mars árið 1592 klukkan 6:53 AM á 58 sekúndu. En þegar það er skrifað eftir amerískum standard lítur það þannig út: 3/14/1592 6:53:58. Þetta eru fyrstu 12 aukastafirnir. Hins vegar er óhugsandi að nokkur hafi tekið eftir þessum atburði er hann leið, enda ekkert staðlað tímatal til á þessum tíma auk þess sem almenningur hafði ekki vitneskju um píið sjálft.

Nálgunardagur Písins:
Þessi dagur á sér 2 dagsetningar. 22. júlí (á ensku 22/7, en 22 deilt með 7 er nálgun á pí) eða 26. apríl (á hlaupárum), en þá hefur jörðin farið 2 stjarnfræðieiningar eftir árslegri braut sinni um sólu; þá jafngildir heildarsporbraut jarðarinnar, deilt með vegalengdinni sem hún hefur þegar farið, tölunni pí.

(ath. birt með fyrirvara um innsláttr- og þreytuvillur)
þriðjudagur, apríl 12, 2005

Long time no C#..?

Það er langt síðan eitthvað var síðast fært inn, svo ég sá mér leik á borði og ákvað að skrifa smá fróðleiksmola um stærstu skjaldbökur í heimi.

Umtalaðar skjaldbökur heita Galapagos Skjaldbökur (lat. Geochelone nigra). Þær eru áreiðanlega sætar og litlar á yngri árum, en ég efast að maður vilji eiga eitt 225 kg stykki í stofusófanum. Þær verða um 1.8 metrar að lengd.
Dýr þetta gengur mjög hægt, eins og aðrar skjaldbökur líkilega, en hraðinn er um 0.25 km/klst.
Á bakinu ber hún einnig hvelfdar "skeljar" ef svo mætti kalla, búnar til úr beini.

Dýrin eru ekki rándýr, nema í rekstri, enda væri hálf fáránlegt að sjá skjaldböku rífa í sig hest eða eitthvað þvíumlíkt.
Nú, hvað um það, eins og nafnið gefur til kynna og margir lesendur hafa eflaust gert sér grein fyrir, nema þeir séu ekki vel að sér í þessum málefnum, þá má finna þessa skepnur á Galapagos eyjunum, vestan við Ekvador í S-Ameríku.

Það sem vekur hins vegar mikla hrifningu meðal þeirra sem veitist vitneskja um það sem ég er að fara að skrifa, er það að Galapagos eyjarnar voru í upphafi nefndar eftir skjaldbökunum.
Dam-dam-dammm..
En galapagos þýðir nefninlega skjaldbaka á spænsku.

Eitt elsta sýnishorn af þessari skjaldböku má finna í Ástarlíu, undir nafninu Harriet. Harriet er 174 ára og þar af leiðandi elsta skepna í heiminum, svo vitað sé..

mánudagur, mars 21, 2005

Days of our Lives

Margir hafa eflaust heyrt þetta áður en gera sér nú ekki fyllilega grein fyrir því hvaðan frasi þessi er dreginn.
Nú. Flestir íslendingar kannast áreiðanlega við þetta úr Vinum (e. Friends.. (væntanlega dööh...)), en þar var Joey að vinna við þessa sápu sem Dr. Drake.
Nýlega komst ég hins vegar að því að þáttur þessi, þ.e. Days of our Lives (hér eftir nefndur Jón), er til í alvörunni og hefur verið í gangi vestanhafs í hátt nær 40 ár. Þáttinn má enn sjá á NBC.

Ath. að þáttabrotin sem sjást í Vinum eru alls ótengd Jóni, en þetta eru í raun aðeins skopstælingar á þættinum.
En mér fannst áhugavert að vita að hvorki meira né minna en þrjátíuogsex manneskjur hafa verið lífgaðar við í þættinum. Einnig var merkilegt að Joey var tilnefndur fyrir bestu "dauðasenuna" þegar hann var stunginn á meðan hann framkvæmdi skurðaðgerð.
M.a. var Joey "drepinn" af þáttastjórnendum Jóns með því að láta hann falla niður lyftuop.

laugardagur, mars 05, 2005

Flug mannanna...

Síðasta mánaðardag annars mánaðar ásins sem texti þessi er skrifaður á hóf ævintýramaðurinn Steve Fossett flugferð sem átti eftir að marka tímamót í sögu mannsins.
Amk. komst hann á forsíður helstu fréttablaða heimsins í einn dag.

Steve flaug fyrstur manna umhverfis jörðina, einn, án millilendingar og eldsneytisviðtöku, í flugvél Virgin Atlantic félagsins, GlobalFlyer, sem ég áætla að hafi verið gerð fyrir þetta eina flug (sbr. nafnið).
Anyway..
Áhugavert er að vita að sú vegalengd sem þarf að fara til þess að það teljist til hnattreisu skal vera, samkvæmt stöðlum frá FAI, 36.787.559 km að lengd, en þetta er lengd "Tropic of Cancer" eins og það heitir upp á enskunni.
Auk þess hefur FAI sett þær reglur að í hnattreisu þarf að fara yfir alla lengdarbauga og lenda á sama flugvelli og maður fór frá í upphafi.

Það er eins gott að vita þetta ef maður ætlar að skella sér í hnattreisu...
föstudagur, mars 04, 2005

Gott grín...

Fyrir tilviljun barst inn á eldrefinn minn grein um svokallað "Slapstick" sem ég veit ekki alveg hvernig væri best þýtt á okkar ástkæra ylhýra mál.
Anyway...
Slapstick er semsagt sú tegund af kómedíu sem inniheldur líkamlega hreyfingu. T.d. er klassískt dæmi um þetta þegar einhver rennur á bananahýði og var þessi húmor notaður óspart á tímabili svarthvítu myndanna. Þá mætti kannski nefna Chaplin í því sambandi, en hann notaði óspart alls kyns klaufahúmor sem þennan til þess að koma áhorfendum til þess að losa um smá endorfín og stress, en það eru ósjálfráð viðbrögð við hlátri.
Bara svona skemmtilegt að vita þegar maður sest næst fyrir framan einhverja gamanmyndina :)
mánudagur, febrúar 28, 2005

Tannburstar eða lífið

Íbúar margra fornra menningarheima hafa stundað tannhirðu frá örófi alda með því að nudda viðar eða efnisbútum upp við tennur sínar. Einnig hefur þótt vinsælt að nudda kalki (kalsíum karbónati, CaCO3) eða matarsóda (natron eða natríum bíkarbónati, NaHCO3) upp við tennur.

Tannburstinn var fyrst búinn til fyrir keisarann í Kína árið 1498 úr svínshárum sem voru fest í handfang úr beini. Bursti þessi þekktist ekki í Evrópu fyrr en á 18 öld en varð ekki algengur á heimilum fyrr en á 20 öldinni. Áður höfðu Evrópubúar notast við þar til gerðar tuskur allt frá tímum Rómverja. Náttúruleg dýrahár voru leyst af hólmi af lífrænum gerviefnum mest megnis á fjórða áratug seinustu aldar en fyrsti nylon [nílon] tannburstinn kom á markað þann 24 febrúar árið 1938. Fyrirtækið sem á heiðurinn heitir DuPont og var stofnað árið 1802 í Bandaríkjunum sem verksmiðja fyrir byssupúður. Fyrirtækið þróaðist fljótt í einn stærsta efnaframleiðanda í heimi og var fyrst með nylon, teflon og kevlar-trefjar. DuPont er einnig málningar og heilsugæslufyrirtæki. Í skýrslu sem Saddam Hussein sendi Sameinuðu þjóðunum rétt fyrir 2003 árásina á Írak, kom fram að DuPont hafi tekið þátt í kjarnavopnaáætlun Íraks.

Fyrsti rafknúni tannburstinn (the Broxodent) var kynntur til sögunnar árið 1959 af Squibb lyfjafyrirtækinu á hundrað ára afmæli amerísku tannlæknasamtakanna.

Í janúar 2003 féll síðan hið hinsta vígi tannhreinsunarandófsinns þegar tannburstinn var kosinn í fyrsta sæti yfir hluti sem bandarískir þegnar gætu ekki lifað án.

Að lokum má geta þess að DuPont er aðalstyrktaraðilli Nascar ökumannsins Jeff Gordon.


Ætli Jeff bursti tennurnar með Broxodent..?

N0rdalegt maður

Já, ég var að velta fyrir mér klíngonska tungumálinu sem ég rakst á fyrir tilviljun. En eins og allir vita þá var gefin út bók sem heitir "The Klingon Dictionary" árið sem ég fæddist af Marc Okrand (spurning hvort eftirnafnið hans sé komið úr klíngonsku.. anyway...)
Bókin var 191 bls. og innihélt upplýsingar um framburð, málfræði og fleiri allt of nördalega hluti til þess að jafnvel ég geti skrifað mikið meira um það.


Já, hann hefur greinilega burstað tennurnar þessi...

En ég ætla samt að leita að einhverju sýnishorni handa forvitnum einstaklingum:
Já, til hamingju með afmælið er semsagt "qoSlIj DatIvjaj" á þessu skemmtilega tungumáli.

Keibbs, nuff said!

Skemmtileg mynd 2001...

Já, það var Sir Arthus Charles Clarke sem smíðaði skáldsöguna 2001: A Space Odyssey og markaði þar með tímamót.. eða ekki.



En eftir þessari merku sögu var svo tekin upp samnefnd kvikmynd (leikrstjóri Stanley Kubrick) sem var merkilega nákvæm vísindalega. En t.d. má nefna að aldrei heyrðust nein hljóð þegar sýnt var úr geimnum, sem er einmitt stór galli á mörgum öðrum geimkvikmyndum.

En hún var ekki gallalaus. T.d. var hæð fjallanna á tunglinu ofmetin því myndin var gerð áður en Apollo leiðangrarnir voru farnir. Auk þess voru jarðskjálftar af völdum loftsteina vanmetnir.

Anyway, chill-out...

Um blikkdósir

Já.. það er nefninlega nokkuð merkilegt að það sem kallast vestan hafs "tin can" eða blikkdós á íslensku var oftast en ekki úr tini heldur stáli. Svo voru einnig létt-brynvarin skip eins og tundurspillir voru kölluð "tin can".
Nokkuð magnaður andskoti eða þannig.

Svo má einnig nefna það að blikkdósir af réttri stærð má einnig nota sem loftnet.

Gott að vita.. þaldégnú.
sunnudagur, febrúar 27, 2005

Um skólarútur

Guli liturinn á skólastrætóum er staðlaður og er hann nú þekktur undir nafninu National School Bus Glossy Yellow, upphaflega nefndur National Shool Bus Chrome.
Litur þessi var sérstaklega valinn árið 1939 til þess að auðvelt væri að lesa svartan textann á farartækjunum.
Þetta var ákveðið á ráðstefnu í apríl þetta ár og stóð hún í 7 daga og var það Dr. Frank W. Cyr sem stóð fyrir ráðstefnu þessari. Hann er nú nefndur faðir gula skólastrætósins.



Ég hef ákveðið að opna þessa síðu til þess að pósta gagnslausum fróðleik eins og sjá má. Ég ætla að reyna að skrifa eitthvað skemmtilegt á hverjum degi og vona að lesendur njóti góðs af... :)

Heyrumst fyrr þótt síðar verði...

Gert fyrir Blogger af Blogger templates